Pritje deri në 30 minuta në pikat kufitare të Kosovës

Qytetarët që po hyjnë dhe dalin nga Kosova po përballen me pritje deri në gjysmë ore në disa pika kufitare të vendit.

Sipas të dhënave të Qendrës Kombëtare për Menaxhim Kufitar, pritjet për të dalë nga Kosova arrijnë deri në 30 minuta në pikëkalimet kufitare të Dheut të Bardhë dhe Merdarës.

Ndërkohë, pritje të ngjashme prej rreth 30 minutash po shënohen edhe për hyrje në Kosovë përmes Jarinjes.

Autoritetet kufitare rekomandojnë qytetarët të informohen me kohë për gjendjen në kufi para se të nisen drejt pikëkalimeve.